Навукоўцы падлічылі: 20% амерыканцаў лічаць сябе католікамі | Друк |
22.09.2015 19:57

Як выявілася паводле даследванняў Pew Research Center, пераважная большасць ахрышчаных амерыканцаў — католікі толькі намінальна, а вучэнне Касцёла для іх з’яўляецца чужым.

Навукова-даследчы цэнтр Pew Research Center даследаваў стаўленне амерыканскіх католікаў да вучэння Касцёла аб сям'і. Аказваецца, што 66% апытаных не мае нічога супраць выхавання дзяцей гей-парамі, 85% не бачаць нічога дрэннага ў грамадзянскім шлюбе, для 88% нармальным з'яўляецца тое, што некаторыя шлюбныя пары адмаўляюцца мець дзяцей.

Даследаванні сярод амерыканскіх католікаў таксама сведчаць пра тое, што яны няздольныя перадаць жывую веру будучым пакаленням. 52% амерыканцаў, якія выраслі ў каталіцкай веры, пакінулі касцёл. Для 11% гэта было толькі часова, але 40% ахрышчаных у Каталіцкі Касцёл не вярнулася.

На сённяшні дзень, па дадзеных вышэйзгаданага цэнтра даследванняў, 20% амерыканцаў лічаць сябе католікамі.

Паводле katolik.ru, (AYU)
 
© 2003-2025 Catholic.by