3 лістапада Папа Францішак прыме на аўдыенцыі кіраўніцтва Рады мусульманскага культу Францыі (CFCM). У склад дэлегацыі ўвойдуць старшыня рады Ануар Кбібеш, тры віцэ-старшыні, а таксама генеральны сакратар ведамства Абдалах Зэкры.

Сустрэча ў Ватыкане, ініцыяваная французскім епіскапатам, паклікана паспрыяць умацаванню міжрэлігійнага дыялогу ў Францыі. Падчас прабывання дэлегацыі ў Рыме запланаваны візіт ў пасольства Францыі пры Апостальскай Сталіцы і сустрэча з прадстаўнікамі Папскай рады па міжрэлігійным дыялогу, якую ўзначальвае французскі кардынал Жан-Луі Таран.  

КАІ, (VGr)