Святы Айцец прыняў на аўдыенцыі ў Ватыкане сусветнага старэйшыну бекташаў Хаджы Баба Эдмонда Брахімая. Сустрэча прайшла раніцай 11 мая ў папскім кабінеце ў Зале Паўла VI.

«Гэта была цудоўная сустрэча. Папа, адклаўшы пратакол, з вялікай сэрдэчнасцю наблізіўся да мяне, як брат да брата. Гэта было пасланне братэрства: мы пацвердзілі каштоўнасць дыялогу, братэрскай сустрэчы і важнасці рэлігійных супольнасцяў для сучаснага грамадства», — распавёў аб змесце аўдыенцыі Хаджы Баба Эдмонд Брахімай.

Бекташы — гэта адгалінаванне ісламу, заснаванае Хаджы-Бекташам у ХІІІ ст. на тэрыторыі Турцыі і затым распаўсюджанае ў Албаніі. Лідары гэтай супольнасці неаднойчы прымалі ўдзел у падзеях, арганізаваных Апостальскай Сталіцай: малітвах за мір у Асізі і беатыфікацыі Маці Тэрэзы з Калькуты.

Папа Францішак сустракаўся з прадстаўнікамі гэтай супольнасці падчас свайго візіту ў Албанію ў верасні 2014 года.

Паводле беларускай рэдакцыі Ватыканскага радыё,

(MV)