У сакавіку споўніўся год, як у мінскім праваслаўным прыходзе Архангела Міхаіла рэгулярна, раз у месяц, па нядзелях служыцца Боская літургія на беларускай мове.
27 сакавіка служба выпала якраз на той дзень, з якога пачаліся такія набажэнствы — Другая нядзеля Вялікага посту ў Праваслаўнай Царкве ў гонар Свяціцеля Рыгора Паламы.
За гэты год беларускамоўныя службы сталі неад’емнай часткай жыцця прыходу.
Акрамя прыходу Архангела Міхаіла, беларускамоўныя літургіі ў Мінску ўжо шмат гадоў служацца ў саборы Пятра і Паўла, а з нядаўняга часу ў храме Мінскай духоўнай Акадэміі.