11 красавіка ў касцёле Святой Сям’і ў Лідзе адбылася сустрэчa работнікаў медустаноў Гродзенскай дыяцэзіі. На сустрэчу прыбылі работнікi бальніц, паліклінік і дамоў сацыяльнай апекі з розных мясцін дыяцэзіі.

12 красавіка, у ІІ Велікодную нядзелю, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў касцёле св. Юзафа ў Маладзечне.

12 красавіка, у ІІ Велікодную нядзелю, свята Божай Міласэрнасці, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў парафіі Найсвяцейшага Сэрца Езуса ў Лебедзеве. У гэты дзень у парафіі адбылося асвячэнне новага алтара Езуса Міласэрнага, стацый Крыжовага шляху, новага канфесіянала і сакрамэнт канфірмацыі.

12 красавіка праваслаўныя вернікі нашай краіны святкуюць Уваскрасенне Хрыста. Сардэчна віншуем з гэтым святам перамогі Божай Любові над грахом! Хрыстос уваскрос, дарагія браты ў Хрысце!

Сёлета Касцёл ужо ў 15-ы раз адзначае свята Божай Міласэрнасці. Яно святкуецца ў першую нядзелю пасля Вялікадня, якая называецца Нядзеляй Божай Міласэрнасці. У дзень кананізацыі с. Фаўстыны Кавальскай, 30 красавіка 2000 г., Папа Ян Павел ІІ абвясціў гэтае свята для ўсяго Паўсюднага Касцёла.

З 15 красавіка 2015 года пры архікатэдральным касцёле Імя Найсвяцейшай Панны Марыі ў Мінску будуць праводзіцца “Вечары для закаханых”. Пачатак у 19.00.

11 красавіка Беларусь перажывае чацвёртую гадавіну тэракту ў мінскім метро. У гэты дзень за памерлых і пацярпелых у гэтай народнай трагедыі памоляцца ў каталіцкіх парафіях Мінска.

Для візіту ў Беларусь Пантыфіка ў якасці кіраўніка дзяржавы не патрэбны «дазвол» Беларускай Праваслаўнай Царквы, заявіў айцец Сяргей Лепін, старшыня сінадальнага Інфармацыйнага аддзела вышэйузгаданай Царквы. «Наш Прэзідэнт запрашае да сябе кіраўніка іншай дзяржавы, і калі гэта дзяржаўны візіт, Беларуская Праваслаўная Царква ў гэтым не прымае ніякага ўдзелу, і ніякіх “дазволаў” з яе боку ў дадзеным пытанні не патрабуецца», — заявіў праваслаўны святар, словы якога прыводзяцца на сайце church.by.

10 красавіка пачалася пілігрымка ў Рым навучэнцаў Вышэйшай духоўнай семінарыі ў Гродне. Семінарысты, выкладчыкі і некаторыя святары Гродзенскай дыяцэзіі накіраваліся ў Вечны горад з пілігрымкай падзякі за 25 гадоў існавання семінарыі.

9 красавіка ў парафіі Святога Мікалая, біскупа, у Свіры (Мінска-Магілёўская дыяцэзія) адбыліся ўрачыстасці пахавання с. Апалоніi Сімеоны Сінкевіч з Кангрэгацыі Дачок Беззаганнай Марыi.

9 красавіка ў парафіі Св. Антонія Падуанскага і Аб’яўлення Пана ў Каменцы (Гродзенская дыяцэзія) адбыліся ўрачыстасці пахавання с. Агаты Пачобыт з супольнасці Сясцёр Маці Міласэрнасці (Вастрабрамскай). Сястра Агата пражыла 87 гадоў, з якіх 25 правяла ў законнай супольнасці. Адышла ў вечнасць 7 красавiка.

9 красавіка ў музеі Гомельскага палацава-паркавага ансамбля адкрылася выстава прыватнай калекцыі «Разьба па шкарлупіне страусіных яек», дзе прадстаўлены работы майстра Дзмітрыя Дзенісенкі з Украіны.

Пробашч рыма-каталіцкай парафіі Найсвяцейшага Сэрца Езуса ў казахстанскім горадзе Актаў, ураджэнец беларускага Гомеля айцец Аляксандр Каліноўскі распавёў аб навінах сваёй парафіі.

5 красавіка, ва ўрачыстасць Уваскрасення Пана, валанцёры дзіцячага праекта «Анёлы дабра» дабрачыннага каталіцкага таварыства «Карытас-Гродна» наведалі маленькіх пацыентаў артапеда-траўматалагічнага аддзялення дзіцячай абласной бальніцы Гродна.

Вялікдзень… Свята аднаўлення, вызвалення ад граху, свята надзеі, што адкрывае дарогу жыцця, адказ Бога на пытанне чалавека. Свята бязмежнай любові…