Віцебская дыяцэзія супольна з кіраўніцтвам аховы здароўя Віцебскага аблвыканкама, Віцебскім дзяржаўным медыцынскім універсітэтам і аддзелам па справах рэлігій і нацыянальнасцяў Віцебскага аблвыканкама праводзіць XIII Міжнародную навукова-практычную канферэнцыю «Праблемы медыцынскай этыкі ў сучасным свеце».

Да ўдзелу запрашаюцца выкладчыкі і студэнты ўніверсітэтаў, каледжаў, а таксама хрысціяне, незалежна ад канфесійнай прыналежнасці, і педагогі, зацікаўленыя дадзенай тэмай.

Асноўныя тэмы канферэнцыі:

• сучасныя пытанні анкалогіі
• праблемы транспланталогіі
• біяэтыка ў сучаснай медыцыне
• прафілактыка алкагалізму і наркаманіі ў сучасных умовах
• «культура жыцця» супраць «культуры смерці» — духоўныя аспекты барацьбы з абортамі і эўтаназіяй
• сучасная фармакатэрапія і паляпшэнне якасці жыцця хворага чалавека
• навука і духоўнасць супраць ВІЧ/СНІДу
• прафілактыка і лячэнне туберкулёзу ў сучасных умовах
• пытанні педыятрыі.

Падрабязная праграма канферэнцыі на сайце catholicnews.by.

(VGr)