Хор «Cantate Domino»  гродзенскай парафіі Божай Міласэрнасці (Вішнявец) запрашае на канцэрт у гонар святой Цэцыліі, апякункі касцёльнай музыкі і спеваў, а таксама музыкантаў і спевакоў.

Канцэрт адбудзецца 22 лістапада 2011 г. пасля святой Імшы ў 19.00. Кіраўнік хору спадар Генрык Далідовіч шчыра запрашае ўсіх жадаючых.

Ва ўспамін святой Цэцыліі на канцэрты запрашаюць таксама мінская архікатэдра і гродзенскі касцёл Звеставання Найсвяцейшай Панне Марыі (пабрыгідскі).